Портал:Лӧпшопедия/Такмакъёс

Тон туж трос лыдӟи удмурт литератураен библиотека. Реклама право вылын: сюдыны-вордыны та бамез 0 % текстэз Викитека.

     •••
Азяд керттэм азькышетэд
Пужыен нюръям тынад.
Лыктэм дырысьтыд учкисько —
Уӵы тусыд вань тынад.

     •••
Азям кельше тӧдьы айшет,
Йырам кельше сьӧд кышет.
Мылам-кыдам кельшиськоды
Тӥ, яратон эшьёсы.

     •••
Анай монэ вордылэм но
Кыед улэ согылэм.
Курег ӵабъяса поттэм но,
Соин ик мон толыктэм.

     •••
Арамае эн пыралэ —
Льӧмпу сяська пазьгиськоз.
Муртлы кылдэс эн вералэ —
Муртлы секыт кылӥськоз.

     •••
Ачим пичиен-а, мар-а,
Сапегам лымы пыре.
Ванез-ӧвӧлэз уг тоды,
Ньылоны вина куре.

     •••
Бадяр чебер, бадяр чебер,
Бадярлэн куарез чебер.
Мон ачим чебер ӧвӧл но,
Мынам эшъёсы чебер.

     •••
Бригадир сётэ наряд:
Ваньды султэ одӥг рад.
Очан Коли шумпотэ:
Мон ӧй тэр одӥг радэ!

     •••
Бусы капка, пияла капка —
Усьтӥськоз-а усьтытэк?
Милям пиос туж куштонэсь —
Вазёзы-а вазьытэк?

     •••
Бусы ужъёс бырем бере,
Кун премия сётказы.
Мон но, лодырь, мынэм вал но,
Пӧлы пум возьматӥзы.

     •••
Бусые потса чияк шултӥ —
Луд ӵӧжъёсты кышкатӥ.
Гуртэ пырса ог гур кырӟай —
Изись калыкез сайкатӥ.

     •••
Бызьса туби кызьпу йылэ,
Вулэсь бамзэ учкыны.
Вулэн бамыз вож вылэм но,
Мынам сюлмы ӝож вылэм.

     •••
Бызьса туби кызьпу йылэ
Тӧдьы тӧлась туй понна.
Бызьса васьки кызьпу йылысь
Горд кышетэн ныл понна.

     •••
Бусы вӧзтӥ кошке трактор,
Моторъёсыз чиляса.
Клубе пото Ӟуння пиос,
Нырулъёссы чиляса.

     •••
Вина, шуо, вина, шуо,
Вина талонэн, шуо.
Кышно талонэн ке луысал,
Мон кышнотэк кыльысал.

     •••
Вуэ усеем, ой, майталэз
Уг лу кылын басьтыны.
Ортчем пинал, ой, даурез
Уг лу дунэн басьтыны.

     •••
Выж пумады лыз сяськады,
Тӧл уг йӧты-а солы?
Макес куспады кольтранды,
Сӥть уг йӧты-а солы?

     •••
Гордэз весе, гордэз весе,
Гордэз весе намер кадь.
Гордэз весе намер кадь но,
Яратонэ горд ош кадь.

     •••
Гур вылысен ӝӧк сьӧръёсы
Чугун сюрес луысал ке,
Ми кадь лодырь, ой, муртъёслы
Нунал праздник луысал ке.

     •••
Гурезь улын пу артана,
Гур эстыны ярано.
Ӟуння пиос — кырыж кукъёс, —
Дӧдьы куасан ярано.

     •••
Ӟуч кадь юисько,
Пор кадь кудӟисько,
Бигер кадь кырӟасько,
Удмурт кадь пограсько.

     •••
Инмар понна, шунды понна,
Актэмыре уг бызьы.
Одӥг гинэ чебер пизы,
Со но дэра ыштанэн.

     •••
Кикы пиез чечег сюдэ,
Аслаз пиез кожаса,
Куд-ог пиез портфель сюдэ,
Сое визьмо кожаса.

     •••
Кин йырзэ урдыса кошке —
Оло, туганэ, лэся?
Мӧля вылаз мар ке пиштэ, —
Оло орденэз, лэся?

     •••
Кытысь шедьтом сыӵе саюл,
Кудӥз зор-котлэсъ утёз?
Кытысь шедьтом сыӵе туган,
Кудӥз ужатэк сюдоз?

     •••
Монэ гинэ, ой, вордытозь
Вить куз ӟазег ворды вал.
Вить куз ӟазег ворды вал но,
Гон мамыксэ вуза вал.

     •••
Ойдо, ойдо! шуыны
Валэд ӧвӧл мон тыныд.
Чурыт кылдэ вераны
Ляльчи ӧвӧл мон тыныд.

     •••
Тӧдьы кышет — чардакын,
Байлэн нылыз — бардакын,
Бай ныл байлы уг бызьы ке,
Мынса пыре бардаке.

     •••
Тон но олокин ӧвӧл,
Мон но олокин ӧвӧл,
Тынад олокинъяськемед,
Мыным номыр кадь ӧвӧл!

     •••
Укно карниз, ой, йылъёсы
Гӧгӧрсинъёс пуксиллям.
Пиос кильтро луон понна,
Выль причёска лэсьтӥллям.

     •••
Улмо чибор, улмо чибор
Сад бакчаын будэмез.
Туган мусо, туган мусо
Милемын кушласькемез.

     •••
Чибиньёс ветло лобаса,
Кытчы пуксём шуыса.
Нылъёс ветло бӧрдыса,
Кытчы бызём шуыса?

     •••
Чигиськисько, лэся, ни но,
Куасаськисько, лэся, ни.
Та яратон туганэлэсь
Люкиськисько, лэся, ни.

     •••
Ӵуж бабылес, ой, йырсиме,
Сынай ке но, ӧй пуны.
Сьӧрлось кутэм, ой, туганме,
Куштиз ке но, ӧй бӧрды.

     •••
Шур сопалась тӧдь льӧмпулэн
Сяськаян дырыз вуэм.
Юын яратись карталэн
Нош юмшан дырыз вуэм.

     •••
Эгырен синме буясько,
Зын майталэн миськисько.
Туганлэсьбамзэ чупасько,
Соин сое алдасько.

     •••
Юбо йылэ зундэс понӥ,
Мед чилялоз шуыса,
Ӟуння пиез туган кутӥ,
Аслым медло шуса.