Статья в рамках языкового портала

Портал:Лӧпшопедия/Пальыштыкъёс удмурт бичет

Материал из Абсурдопедии
(перенаправлено с «Пальыштыкъёс удмурт бичет»)
Перейти к навигации Перейти к поиску
Йырчукинотека.jpg
Тон туж трос лыдӟи
удмурт литератураен библиотека.

Реклама право вылын: сюдыны-вордыны та бамез 0 % текстэз Викитека.

°°°[править]

Лопшо Педунь ресторанын пе пуке. Со доры офсианка лыктэм но юа пе: «мар сиоды-юоды?» Педунь солы 9 чашка чай заказ лэсьтэм. Офсианка серекъяса пе вера: «малы 9 гинэ, ойдо 10 чашказэ ик ваё!» Нош Педунь солы верам: «мон 10 чашка чай юыны скал овол!»

°°°[править]

— Пие, мын ай та миськем дӥсез шунды шоры ошылы, ӝоггес мед куасьмоз.
— Ой, мон ӧй сузьы шундылэн шораз…

°°°[править]

— Юнме ти татын автобус возьмаськоды, — вазиське песянай автобус дугдылонниын сылись пияшлы. — Татчы соос праздник нуналъёсы гинэ дугдыло.
— Соку юнме уг возьмаськы, — шумпотэ пияш. — Мынам туннэ вордиськем нуналы.

°°°[править]

— Та пыдын ветлисьёс воксё азгынмемын. Машина азьти ветло, питран улэ ик пыро ява. Правилоосты но уг тодо-а мар-а?
— Буйгатскы, — шуэ инструкторез. — Ойдо ай машинадэ тротуар вылысь васькыты.

°°°[править]

Кык воргоронъёс коляскаё мотоциклэн сюрес вылти ширто.
— Сокем шаплы эн мыны, — шуэ коляскаын пукисез. — Татын пыдэсыз овол.
— Нош тон мотциклмылэн моторез вань кожаськод-а мар-а? — вазе руль сьорын пукисез.

°°°[править]

Толон Олломоллотолловаллё гуртын лымы сузянъя чошатсконъёс ортчизы. Вормисе потиз Паримон песятай. Со жыны час куспын быдэс азбарзэ одиг пыры но лымы кельтытэк сузям. Гуртоосыз 70 аресъем Паримон песятайлэн сыче шаплы ужамезлы паймемын. Кышноез, Параска песянай гинэ уг паймы. Чошатсконъёс кутскон азьын со Паримонлы лымы улэ черык аракы вати шуыса верам.

°°°[править]

Абдрам гуртысь Абдрам Абдрамов ульчаысь абдрам ыжез адзыса абдраменыз мар карыны ик абдраз. Нош абдрам ыж абдраса сылись Абдрам Абдрамов шоры учкыса воксё но абдраз. Со дырысен Абдрам гуртысь Абдрам Абдрамовлэсь абдрам ыжен пумиськем ульчазэс Абдрам ульча нимало.



Шобретъёс.jpg




°°°[править]

Выль ар шулдыръяськонъёс азьланьтисько. Жок сьорын пуко арлыдо воргорон но егит пи.
— Таяз аре мон тилесьтыд нылдэс кышно ваё, — шуэ егит пияш.
— Зэмзэ ик-а? Нош мынам кышноен тон вераськид-а ни?
— Бен, но мыным тиляд нылды кельше!

°°°[править]

Выль ар шулдыръяськон бере Онди валес вылысьтыз мырдэм но кызьы султиз но жок вылысь гожтэтэз адзиз. Кагаз юдэс вылэ кышноез гожтэм: «Выль арен!» Возаз пичигес букваосын ватсамын на: «Мон уже кошки, сылалтэм огречлэн вуэз холодильникын». Улиязгес гожтэмын на: «Холодильник кухняын».

°°°[править]

Профессор студенткалэсь юа:
— Вералэ ай, «яратисько» глагол вуоно дырын кызьы луоз?
— Яратисько — бызё.

°°°[править]

Одиг атас мукетызлы шуэ:
— Ойдо лавкае ветлом.
— Малы?
— Гольык курегъёсты учкыны.

°°°[править]

Кык воргоронъёс Москвае мыниллям но — туж сиемзы потыны кутскем. Ад з о- ресторан. Пырыны медо вылэм но — та, пе, кунгож сёрись куноослы гинэ. Учко: адайос лыкто но кунзылэсь нимзэ вераса пиро.
Огез лыктэ, вазе: «Уругвай». Мукетыз: «Парагвай». Та воргоронъёс но вордскем гуртъёссэс верано кариськиллам. Огез лыктэ: «Марым, Карамбай». Мукетыз шуэ: «Марым, Лудорвай».
Пыриллям но сиськиллям.

°°°[править]

Толон, Педор, пыжысь усьыса, тыметамы выйисько вал ини. Кӧня меда жомбылляськи?!
— Кин-о бон потыны юрттӥз, Лёгор?
— Ма, нокин но ӧз. Пыдъёсме ву пыдсы уллань лэзьяны аслам ик визьмы тырмиз. Вуэз гогыозям гинэ вылэм, ява!

°°°[править]

Лёгорен Педор вадьсытӥ ик, туж улэтӥ, вертолёт лобӟиз. Педор Лёгорлэн пилеш йыр вылаз шабала пасьта кырыменыз шлач! Гинэ чабкиз.
— Мар-о тон дауртӥськод, лешой?! — шуэрскиз Лёгор.
— Ма, тӥни ук, йырдэ «ёродром!» кожам, лэся. Пуксьысал ке нош?

°°°[править]

— Педӥ, учкисько ке, кытӥыныд ке но тон мынам пиелы кельшиськод кадь, — тунсыкъяське Лёгор.
— Шузи ик тон, Лёги. Пиед мыным кельше, луоз.

°°°[править]

— Педӥ, тон но Параска доры ветлӥськод кадь, мон но пырасько куддыр. Кинъёс-о, иське, ась-меос ог-огмылы луиськом?
— Тордосъёс, дыр.

°°°[править]

— Педор, вера ай пӧятэк. Мон кулысал ке, бӧрдысалыд-а тон корос вылам?
— Кызьы ӧй бӧрдысал, — кырыжгес учкыса вазе Педор.
— Пунэмам уксёдэ таки тырыны уд валаськы ук. Йыры курен ик бӧрдо.

°°°[править]

— Ма, мар-о со пунэменыд ёрмид ини. Ме, ме тыныд копейка, — мыче уксёзэ Лёгор.
— Мар-о серем кариськод? Дас манет курид вал ук, — ӧз вала Педор.
— Кылемзэ азьмуртмылэсь кур, — валэктэ соиз. — Со воштӥз ук уксёлэсь дунзэ. Бадӟым тау солы. Пунэме копейка сяна ӧвӧл ни табере.

°°°[править]

— Ойло ай, Педӥ, ум керетэ ни. Давай-ко луӵӵе одӥгзэ юом, — пыриськыны кутскиз Лёгор.
— Мон одӥген уг паньсаськы, — кунэрскиз Лёгор.
— Ӟенеликен шуко,— валэктэ соиз.
— А-а, давай, иське, мон соглаш.
— Мын ай, иське, лавкае ветлы. Тыныд пунэмен но сёто кадь ук.

°°°[править]

А милям дыдыосмы телевизор учкыны ярато. Сураськыса верало:
— Туннэ луоз-а финн-угор катание? (Фигурное катание)

°°°[править]

Удмуртъёсты, пе, ӟучъёс жуго «сь» куараез верамзы луымтэзы понна. Асьмеос сое «щ» кадьгес верало. Одӥг удмурт Семон дораз бертыса синучкон дорын, пе, мыскылляськыса дышестке ини «щ» интые «сь» вераны. «Щем, щем, щемь, семь» и т. д. Чуказеяз шумпотыса потэ ураме, адзэ оти ӟучъёс люкен лыкто. «Ну мон таослы ваозьмато ай!» ас понназ малпа. Ӟучъёс дораз вуыса, пе, юало ини:
— Ты удмурт?
— Нет.
— Скажи «семь»!
— Семь.
— Скажи «восемь»!
— Восемь.
— А как тебя зовут?
— Щемон.

°°°[править]

Кызьы гинэ но уг гожто ӟуч кылысь ВСЁ РАВНО шуэмез:
Щоромно
Щьёромно
Щёровно
Щьяравно
Щьӧравно
Щиравно…
— Эшъёс!!! Удмурт алфавитын щ буква ӧвӧл. Азьланяз эн сураське ни, та кыл шонер гожтӥське тазьы:
Сёровно.



Сиён.jpg




°°°[править]

Воргорон уже куриське.
— Валаськоды-а, мыным та уж туж-туж кулэ. Мыным вить нылпие.
— Нош маке мукетсэ тӥ лэсьтыны быгатӥськоды-а?

°°°[править]

Пияш:
— Тон тӧдьы «Лексусэн» принцез возьмаскод-а?
Нылаш:
— Уг, умой адями гинэ мед луоз. Мыным дунне, кыӵе буёло солэн «Лексусэз»

°°°[править]

— Та морг-а?
— Бен.
— Нош мон Сергей. Мамае монэ утчаса жингыръяз ке, ивортэ: мон туннэ Маша дорын.

°°°[править]

5 аресъем пияш анаезлы шуе:
— Мон жагдӥськисько — тон утялтӥськод, мон саптасько — тон миськиськод, кӧты сюма — ӝук пӧзьтӥськод.
— Эх, мама, мар тон монтэк карысалыд? Воксё азьтэм луысалыд, дыр.

°°°[править]

Нылпиосты полиции экскурсии нулизы. Пырон дорын туспуктэмъёсын щит: «Таосты утча полиция» . Славик юа:
— Малы та агайёсты утчаськоды?
— Соос йыртэмасьёс.
— Фотое пуктыкуды, кырмыны уг лу вал шат.

°°°[править]

Коли бускель Олиез пумиськыны ӧте:
— Коргид сиге туннэ лыктод-а?
— Мыным сюанозь уг яра.
— Нош ку тынад сюанэд?

°°°[править]

Пыдлось гуртэ журналист вуиз. 100 арессэс тырмытэм пересьёслэсь юа:
— Вералэ, кызьы татын сомында ар улӥськоды? Кыӵе секретъёсты вань?
— Кыӵе секрет?! Сюрес ӧвӧл. Гуртын моргмы ӧвӧл, гу гудӥсь но ӧвӧл. Соин ик улӥськом.

°°°[править]

Одӥг воргоронлэн 5 нылыз эшезлэн пиналыз ӧвӧл. Нылпитэм воргорон ушъяське.
— Ми толон посуда миськон машина басьтӥм.
Трос нылпиё атай пумитаз вазе:
— Нош мон ачим витьсэ лэсьтӥ…

°°°[править]

Кулем бераз дышетӥсь янгышен адэ сюриз.
Кылчин со доры вуэ:
— Тӥледлы татын луыны кулэ ӧвӧл, райын интыды.
Нош соиз пумитаз шумпотыса вазе:
Школа бере мыным ад но рай кадь потэ.

°°°[править]

(Улонысьтым учыр)
Урокын пукись Паша ас малпанъёсаз выйиз.
Дышетӥсь выль кылэз валэктэ — пи кисы:
— Тани, шуом, кинлэн ке газетэз пияз понэмын.
Пияш кулектыса ӝӧк улысь утчаське:
— Кин пияз, кытын пияз?

°°°[править]

(Улонысьтым учыр)
Дышетӥсь междометиез валэктэ.
Нылашлэн нокызьы но йыраз уг пыры.
— Тани кияд гононумырез паньгатӥд, мар вазёд?
Вӧзаз пукись пи кыллы кисыяз ӧз пыры:
— «Ням-ням» шуоз.

°°°[править]

Кык кутъёс лобо.
Огез шуак дугдӥз но шуэ:
— Дугды ай, синмам ӟольгыри пыриз.

°°°[править]

Кык шыръёс ресторанын пуко.
Огез шуэ:
— Чарка юом но кырӟалом.
Кыкетӥез бере:
— Табере эктыны потом.
Куинетӥез бушаз:
— Ойдо ульчае потом но коӵышез жугом.

°°°[править]

Кык шыръёс слонэн пумиськизы:
— Ойдо нюръяськом.
Соиз кышкаса:
— Огнам кыкнадылы пумит-а?

°°°[править]

Студент эшезлы:
— Театре ветлыны пыдвылъёстэ сётод-а?
— Басьты, валес вӧзам сыло.

°°°[править]

Тордэм воргорон ӟус вылын пуке.
Вӧзтӥз кышномурт ортче.
Пиосмурт шӧдтэк шорысь:
— Ачид шузи.
Нылкышно паймыса:
— Мон номыр ӧй вера ук.
— Ӧд ке но вера, малпад.

°°°[править]

Бускель кышно пичи пилэсь юа:
— Бадӟым будӥд ке, кин луод?
— Генерал.
— Тушмон виыны быгатоз ук.
— Соку тушмон луо.

°°°[править]

— Кыӵе-мар зыгатон ужъёс?
— Библиотекаын кадь…
— Кызьы со озьы?
— Чус, шыпыт…

°°°[править]

— Кыӵе чорыг кутыны ӧдъяськод?
— Кабачок кутэме потэ.
— Бон ӧвӧл ук сыӵе чорыг!!!
— Кызьы ӧвӧл?! Икраез ке вань, чорыгез уз луы ни, пе!

Со сяна, учке[править]


Валтӥсь бам вылэ выжоно