Портал:Лӧпшопедия/Нылпиос верасько

Тӥ лыдӟиськоды тодмо веранъёслэсь тужгес но тырмыт бичетсес. Мукет бамъёс…

Тямыс час ӵукна. Каллен гинэ лымы усе. Саша атаеныз нылпи садэ мынэ.
— Атай, нош ву улын чорыгъёс
уг адӟо ук, кызьы лымы усе?
— Ну-у-у…
Саша, кӧня ке малпаськемез бере:
— Соин-а чорыгъёс уг верасько — номыр сярысь вераськыны.

Песянай: Стася, песятаед вылын эн тэтча адӟиськод-а солэн пыдыз висе.
Стася: Малы висе?
Песянай: Толон липет вылысь ӵын потон трубаез сузяз.
Стася: Пыдыныз-а?

Пичи Аняез кӧлыны выдтӥзы, кӧня ке дыр ортчыса, со кухняе вуиз:
— А, тӥ уйин сиськиськоды?

Танялэн эшезлэн сюанэз вал.
Отысь бертэм нылашлэсь песянаез юаз:
— Нош тон ку бызёд ини?
— Басытӥсь ӧвӧл но, — серемпыр вазиз Таня.
— А тон улычае пот но юа, кин басьтоз, — нод-нод валэктӥз ньыль аресъем выныз.

Олилэн пичи выныз вордскиз.
Анаезлэсь сое нонтэмзэ ог-кык нунал чакламез бере. Оли но мунёзэ гадь бордаз ӝиптӥз.
— Я шыд сиид, табере чай ю — кӧня ке улыса, мунёзэ мукет пала берыктӥз со.

Поездын мыныкузы, нылаш укное учке но кеське:
— Ой, скалъёсты возьмато!

Песянай изён азяз нунокезлы выжыкыл маде:
— Песятай сяртчы кизиз, сяртчыез бадӟым будӥз… Кыско, кыско, поттыны уг быгато, песятай ӧтиз песянаез…
Нунокез:
— Ӧть ни шырпиез!

Пичи нылаш изён азяз анаезлэсь куре:
— Анае, мусое, вай мыным ву. Эшшо чай но йӧл юэме потэ на!

Нылпи садлэн азбараз калгись пуныос пыризы. Кивалтӥсь соосты адӟиз но тышкаськыса улляны кутскиз:
— Мынэ потэ татысь! Кошке! Ӝоггес!
Пуныос берытскизы но кошкизы.
Саша:
— Асьмелэн кивалтӥсьмылэсь пуныос но кышкало!

Артём, куинь арес.
— Та мынам дрын-дрынэ.
Воспитатель слоген-слоген люкылыса вераны дышетэ та кылэз:
— Ма-ши-на.
Пияш:
— Ма-ши-на.
Воспитатель:
— Ма пӧрмиз?
— Дрын-дрын!

Нылпиос верасько: Батарейкаосы ӧз пуксе ай… Маши ӵаш поттыса шудэ. Соин ик анай-атаез уг кыло, мар телевизорын верало. Соос куро Машиез:
— Куарадэ кӧня ке пичияты, милемлы номыр уг кылӥськы.
Маши юа:
— Кызьы бон мон сое пичиятом? Мынам пультэ ӧвӧл ук.
Ӝыт. Маши уг изьы ай. Ялан отчы-татчы бызьылэ, шудэ. Анай-атаез солы шуо:
— Пуксьы ини, ӵыдэтскы.
Нош Маши паймыса вера:
— Малы мон ӵыдэтском? Батарейкаосы ӧз пуксе ук ай.

Маши мемиеныз кроликъёсты учко.
— Уть-ай, ма кузьдаесь пельёссы соослэн! — чиньыеныз возьматэ нылаш. — Тынад но пельёсыд со кузьдаесь луысалзы ке, ма карысалыд, меми?
— Шумпотысал, — шуэ мумиз. — Соку мон котькытысь котьмае кылысал.
— Нош мон ӧй шумпотысал.
— Малы?
— Кузь пельёсты туж кема миськоно луысал.

Толалтэ. Куинь но ӝыны аресъем Юля анаеныз сюрес кузя мынэ но пумитазы шедем йӧ чалепъёсты ӵыжа:
— Анай, учкы ай, Тол Бабайлэн пиньёсыз усиллям.

Юля урамысь пыриз. Гӧршок вылын пуке:
— Анай, мынэсьтым кӧтме вандылозы-а?
— Малы?
— Кӧты висе. Мон... марым... сии... Ну тӥни ук, со тӧдьы, кезьыт луэ, эшшо ке инмысь усе. Тодӥськод-а ма со? Уд ке,
мон тыныд уг вера, ато тышкаськод.

Куинь но ӝыны аресъем Маша йогурт сие. Анаез:
— Нылы, мыным но пичияк кельты вал, мон но адями ук,
веръяме потэ.
Маша:
— Тон адями ӧвӧл, тон — а-на-а-ай!

Владиклы куинь арес. Коӵышен шудэ.
— Атай, нош асьмелэн коӵышмылэн кызьы-о фамилиез?

Гуртын улӥсь Владик городэ куное лыктӥз. Унитазэз адӟыса шуэ:
— У-у-у, кудбыдӟа тӥляд гӧршокты!

Ньыль аресъем Даша коӵышлэсь сэрегын вырӟылытэк пукемзэ адӟыса юа:
— Малы коӵыш отын пуке?
— Шырез возьма.
— Выж улын шыръёс уло-а?
— О-о.
— Кызьы нош коӵыш шырез
кутыны быгатоз, отын пеймыт ук? тараканэз адӟо: тыбыр вылаз усем
Иське, отчы тыл ӝуатоно.

Пичи Юли анаеныз поездын мынэ. Анаез укное возьматыса вера:
— Учкы, нылы, асьмеос поездэн кошкиськом-дыртӥськом, нош бӧрсямы тӥни кыӵе паськытэсь бусыос, бадӟымесь нюлэсъёс, чебересь возьёс кылё. Ваньмыз со — асьмелэн вордӥськем шаермы.
Юли анаезлэсь верамзэ сак кылзӥз но купелэн мукет пал укнояз возьматыса кеськиз.
— Учкы, анай, сопалаз но вордӥськем шаермы вань на вылэм!

Ньыль аресъем дыдыос — Настяен Юля — шудон куспетӥзы тараканэз адӟо: тыбыр вылаз усем маке пыдъёсыныз ӵыжаськыса кылле. Настя шуэ:
— Юли, учкы ай, учкы, тараканлэн кудмында кикиосыз!..

Куать аресъем Владик театрын пуке. Спектакльлэн одӥг люкетэз йылпумъяськем бере антракт яло — чингыли жингыртэ.
Владик:
— Ура! Перемена!